Odise Roshi: Jam fajtor për dy golat e pranuar ndaj Francës

Odise Roshi është deklaruar pas fitores 4-1 që pësoi Shqipëria ndaj Francës në Stade de France’ në kuadër të kualifikimeve për Euro 2020.

Mbrojtësi i krahut të majtë ka thënë se ndihet fajtor për dy golat e pranuar edhe pse lojtarët dhanë maksimumin.

“E di, isha fajtor tek dy golat e shënuar. Të gjithë çunat dhanë maksimumin, rezultati ishte jo i mirë, 4-1, por tani duhet të shikojmë drejt Islandës të marrim një rezultat të mirë”, u shpreh Roshi, pas ndeshjes.

“Kisha detyra mbrojtëse, kemi bërë një sistem ndryshe me trajnerin e ri. Është e vështirë të luash ndaj Francës në atë pozicion. Tani do luajmë ndaj Islandës dhe duhet të harrojmë Francën”.

Të martën, Shqipëria do ta presë në shtëpi Islandën, gjithashtu ndeshje e vlefshme për kualifikimet në EURO 2020.

Lexo po ashtu Franca 4-1 Shqipëria, statistikat e ndeshjes

Franca, Turqia dhe Islanda e ndajnë pozitën e parë të Grupit H me nga 12 pikë, Shqipëria me gjashtë, Moldavia me tri dhe Andorra ende pa pikë.

Duke parë gjendjen aktuale në këtë grup, mund të thuhet se shanset e Kombëtares tonë për t’u kualifikuar në Euro 2020 janë shuar tashmë. /Telegrafi/