Obama shpreson se Trump nuk do ta dërgojë në burg Hillary Clintonin

Presidenti amerikan në largim, Barack Obama, shpreson se do të vazhdojë tradita që njerëzit në pushtet të mos e shfrytëzojnë sistemin e të drejtës penale kundër kundërshtarëve të vet. Kështu ka deklaruar zëdhënësi i Shtëpisë së Bardhë Josh Earnest.

Ai ka thënë kështu duke u përgjigjur në pyetjen nëse presidenti i sapozgjedhur i SHBA-së, Donald Trump do ta përmbushë “premtimin” dhe do ta dërgojë në burg kandidaten presidenciale nga radhët e demokratëve Hillary Clinton, njofton Reuters.

“Kemi traditë të gjatë në këtë vend që njerëzit në pushtet të mos e shfrytëzojnë sistemin e të drejtës penale për hakmarrje politike… Presidenti shpreson se kjo do të vazhdojë”, ka thënë Earnest në konferencën për gazetarë.

Trump, gjatë debatit të dytë presidencial në tetor, Hillary Clintonin e quajti “djall” dhe i sugjeroi se nëse do të fitonte në zgjedhjet presidenciale, do ta dërgonte në burg për shkak të skandalit rreth e-mail-ave zyrtarë të cilët ajo gjatë mandatit të vet si Sekretare e Shtetit i kishte dërguar nga serveri i saj privat.