Në mesin e 11 viktimave nga coronavirusi është edhe një 37 vjeçar nga Podujeva

Brenda 24-orëve të fundit në Kosovë nga coronavirusi kanë humbur jetën 11 pacientë, ku në mesin e tyre është edhe një 37 vjeçar nga Podujeva.

IKSHPK po ashtu ka bërë të ditur se nga gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.810 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 202 raste pozitive.

Rastet e vdekjes janë nga komunat: Ferizaj 2 raste (87, 77 vjeç), Podujevë 2 raste (84, 37 vjeç), Prishtinë 2 raste (76, 64 vjeç), Drenas 1 rast (90 vjeç), Gjakovë 1 rast (79 vjeç), Mitrovicë 1 rast (78 vjeç), Skenderaj 1 rast (79 vjeç), Viti 1 rast (65 vjeç).

IKSHPK ka kërkuar nga qytetarët që të respektojnë masat mbrojtëse kundër COVID-19, pasi që virusi është ende aktiv.

“Mbuloni gojën dhe hundën me maskë, mbani higjienën, respektoni distancën”, thuhet në njoftimin e IKSHPK-së. /Telegrafi/