Mustafa: Qeveria ka synuar të përkrah bizneset

Kryeministri i Kosovës, Isa Mustafa, ka shkruar në Facebook se Qeveria e Kosovës me politikat për zhvillim ka synuar të përkrah bizneset në përgjithësi, por me theks edhe bizneset prodhuese.

Mustafa ka thënë se “rritja më e fuqishme ekonomike dhe vendet e reja të punës fuqizohen me prodhuesit vendor”, transmeton Telegrafi.

Postimi i plotë i Mustafës:

“Qeveria e Kosovës me politikat për zhvillim ka synuar të përkrah bizneset në përgjithësi, por me theks edhe bizneset prodhuese.

Rol shumë të rëndësishëm në forcimin e prodhimit vendor kanë bizneset tregtare me procesin e tyre të distribuimit.

Nesër me bizneset tregtare do të bisedojmë për rolin e politikave të deritashme por, po ashtu, do të kërkojmë nga ta që të na njoftojnë se çka mund të bëjmë që tregtia të fuqizojë prodhuesit vendor edhe më tej duke rritur ekspozimin dhe tregtimin e produkteve të Kosovës.

Rritja më e fuqishme ekonomike dhe vendet e reja të punës fuqizohen me prodhuesit vendor”, ka shkruar Mustafa. /Telegrafi/