Miley Cyrus nxit spekulime se është duke bashkëpunuar me Dua Lipën

Miley Cyrus është duke e sjellë albumin e saj të shtatë, mirëpo se çka është duke përgatitur mund të jetë një befasi e madhe për fansat.

Këngëtarja amerikane e ka publikuar një fotografi të sajën nga studioja, në të cilën ka pozuar së bashku me Dua Lipën dhe Watt.

Ajo i ka ngacmuar akoma më shumë fansat e saj me përshkrimin: “Dua e ka dëgjuar atë që ju nuk e keni dëgjuar…”.

https://www.instagram.com/p/CDhAwD2M-F9/

Admiruesit e muzikës së saj menjëherë kanë nisur të spekulojnë se është fjalë për ndonjë bashkëpunim me këngëtaren e famshme shqiptare.

Nga ana tjetër, edhe Dua ka publikuar fotografi të tyre të përbashkëta me përshkrimin “bromance” (që i referohet raporteve të afërta me dikë).

https://www.instagram.com/p/CDhBVuXJ95e/

Watt ka bashkëpunuar me të dyja këngëtaret, që nga bashkërealizimi i hitit të “Break My Heart” të Lipës dhe performancën e përbashkët me Cyrus të këngës së “Pink Floyd”, “Wish You Were Here”.

Kujtojmë që në verën e vitit 2019, Miley kishte performuar në Prishtinë në Festivalin Sunny Hill duke e rritur kështu shoqërinë me Duan. /Telegrafi/