Messi: Ishte një natë perfekte, i lumtur me golin dhe fitoren

Lionel Messi ka thënë se fitorja e së martës ndaj Manchester Cityt u dëshmua si një ‘natë perfekte’ pasi ai shënoi golin e tij të parë për Paris Saint-Germain në një fitore të madhe në Ligën e Kampionëve.

Duke luajtur në ndeshjen e tij të katërt që kur u bashkua nga Barcelona këtë verë, Messi shënoi golin e dytë të PSG-së pas një asistimi të Kylian Mbappe, duke ndihmuar skuadrën e tij të fitonte 2-0 kundër Cityt.

Messi shënoi gol në sezonin e tij të 17-të radhazi në Ligën e Kampionëve, duke barazuar një rekord të vendosur nga Karim Benzema vetëm pak minuta më parë.

Lexo po ashtu Pochettino i lumtur me fitoren ndaj Man Cityt

“Ishte një natë perfekte kundër një kundërshtari të madh. Për ne, ishte shumë e rëndësishme të fitonim këtë lojë pas barazimit në Brugge”, ka thënë fillimisht Messi për Canal+.

“Jam shumë i lumtur që kam shënuar. Nuk kam luajtur shumë kohëve të fundit, kisha luajtur vetëm një lojë këtu. Po përshtatem pak nga pak. Ajo që është e rëndësishme është të vazhdojmë të fitojmë”.

Lexo po ashtu Guardiola: Ishte e pamundur ta kontrollonim Messin, ekipi im luajti mirë

“Marrëdhënia jonë do të bëhet më e mirë me çdo lojë. Ne të gjithë duhet të rritemi së bashku, të rrisim nivelin tonë të lojës. Ne duhet të vazhdojmë”.

“Ne fituam një lojë shumë të rëndësishme kundër një rivali shumë të madh, i cili ishte në finale vitin e kaluar. Ne duhet të vazhdojmë të përparojmë, të përmirësojmë shumë gjëra për të ardhmen”, përfundoi argjentinasi. /Telegrafi/