18/10/2021
Lojtarët dhe stafi i Sheriff Tiraspol janë gëzuar me arritjen në Giuseppe Meazza, saqë thuajse të gjithë hynë nga tuneli për në fushë duke e xhiruar stadiumin.
Klubi moldav nesërmbrëma (e martë) përballet me Interin në kuadër të xhiros së tretë të fazës grupore të Ligës së Kampionëve.
Për befasi, Sheriffi e kryeson Grupin D pas dy fitoreve, njëra prej tyre ndaj Real Madridit në Santiago Bernabeu.
Ndeshja kundër Nerazzurrëve do të jetë e treta në histori të klubit në garën më të madhe evropiane.
Është sfida e parë në stadiumin e qytetit të Milanos dhe të mahnitur me pamjen, të gjithë filluan ta xhironin arenën ikonike të futbollit. /Telegrafi/