Linda Halimi tregon pse zgjodhi skena erotike me një femër dhe çfarë mendon për seksualitetin

Pas përfaqësimit të Shqipërisë në Festivalin Europian me këngën “World”, Lindita Halimi kthehet në muzikë me një klip të nxehtë ku ia dorëzon qenien e saj një femre.

Përkedhelje, prekje intime dhe puthje në buzë në kulmin e klipit “Murda”, janë skenat që mund të shihni mes Lindës dhe mikeshës së saj modele.

Për këtë hap të ri në jetën e saj e saj si artiste, vuajtjet për të mbajtur trupin në formë pas dobësimit dhe karrierën mes yjeve të famshëm botërorë në SHBA, Linda flet për herë të parë në këtë intervistë për “Panorama Plus”.

Që nga përfaqësimi i Shqipërisë në Festivalin Europian, si ka shkuar karriera jote në Shtetet e Bashkuara të Amerikës?

Shumë mirë! (Qesh) Me hapa të sigurt! Për të mos hyrë në detaje, por shumë gjëra kanë ndryshuar për mirë.

Rikthehesh me videoklipin e nxehtë me titull “Murda”. Dukesh më në formë se kurrë, po si ke arritur perfeksionin?

Faleminderit për komplimentin! The game is sold not told. Nëse ndiqni videot e mia në palestër në “Instagram” @LinditaWorld do ta shihni se çfarë heq unë të mbaj linjat. (qesh)

Në klipin e ri bëjnë përshtypje skenat “hot” me modelen e klipit. Cila është fabula e këngës dhe pse vendose të vish në këtë mënyrë?

Thjesht sepse doja të provoja diçka të re. Në jetë ne rritemi, zhvillohemi, eksperimentojmë, provojmë gjëra të reja. Sepse do të ishte monotoni e madhe nëse do të bënim të njëjtat gjëra gjithmonë. Dhe unë jam e bekuar që çdo ditë kam mundësinë të bëj gjëra të reja. (qesh).

Pas një mungese të gjatë në muzikë, ke menduar të rikthehesh me zhurmë, si femra që i këndon femrës. Mendon se ky është një trend i momentit në industrinë e muzikës?

Do të thosha më shumë një solidarizim për komunitetin LGBT! Unë gjithmonë kam qenë me ata që kanë guximin të jenë ata që duan, të dashurohen me njerëzit që duan, pavarësisht gjinisë, etnicitetit, besimeve fetare, etj., sepse asnjë nga këto nuk ka aspak rëndësi nëse ti jeton i/e lumtur!

Pse zgjodhe një modele bionde dhe jo brune si ty vetë për skenat e klipit dhe si ishte të puthje në buzë një femër?

Unë modelen në klip e kam shoqe të mirë dhe kur më erdhi ideja për klipin, menjëherë e ftova të jetë protagoniste dhe ajo pranoi me shumë kënaqësi. Dhe çdo gjë ka rrjedhur shumë natyrshëm.

Çfarë rëndësie kanë meshkujt për femrën e kohëve moderne sot?

Të jesh femër e pavarur, nuk do të thotë të mos duash një mashkull pranë. Shumë nga ne e keqkuptojnë termin “e pavarur” ! We can all co exist and be happy!

Ekziston dashuria e vërtetë apo vetëm aventura dhe konsumizmi fizik?

Dashuria e vërtetë ka ekzistuar gjithmonë, varet nga personi, se me çfarë qëllimesh dhe ideje futet në një lidhje pastaj.

Duhet të provokosh në muzikë për të pasur sukses dhe kush janë menaxherët e tu, që të shtyjnë drejt tendencave të reja?

Deshëm apo s’deshëm ne artistët, seksi shet që nga kohët parahistorike. Audienca ndoshta të paragjykon, por në fund do të klikojë për kuriozitet, nëse jo për më tepër. Dhe në ditët e sotme, klikimet sikur të vulosin suksesin, pavarësisht sa ke talent. Në qoftë se masa nuk të njeh, e ke më të vështirë suksesin dhe njerëzit, me të cilët punoj, më mbështesin çdo ide. Ideja e videoklipit “Murda “ ka qenë totalisht e imja dhe bashkëpunëtorëve të ngushtë të mi.

Të jetosh në SHBA duhet të kesh dhe para për të bërë karrierë si këngëtare dhe ti si i siguron ato?

Nga mbrëmjet muzikore këtu, nga shfaqjet nëpër revista të njohura këtu, si “People” për shembull dhe nga promovimi i produkteve që bëj në rrjetet sociale. Normalisht që për të jetuar këtu, harxhimet janë të mëdha, por edhe pagesat janë mjaft të majme nëpër koncerte.

Koncerti yt i radhës, ku presim të të shohim?

Në fakt, të shtunën do të këndoj me reperin e famshëm Ludacris, këtu në Atlanta! Andaj me ndiqni sepse do ta publikoj çdo moment të mundshëm në “Instagram”-in tim LinditaWorld.

Cilët janë artistët e famshëm ndërkombëtarë, me të cilët ke krijuar miqësi dhe ku synon me karrierën tënde amerikane?

Uh, qëllimet normalisht janë të mëdha! Si çdo artist që dëshiron të njëjtën gjë, suksesin dhe mbështetjen nga njerëzit që t’ia vlejë gjithë ai mund që bëjmë në muzikë. Kam pasur nderin të performoj së bashku në skenë me ikona si; Stevie Wonder, Jewel, Ceelo Green, Backstreet Boys. Kam kaluar kohë me Rihannën sa herë që vjen në Atlanta, meqë menaxheri im dhe menaxheri i saj janë bashkëpunëtorë të ngushtë dhe çdo herë e vizitoj kur vjen në qytetin ku jetoj. Kam kontakte nga idoli me J. Lo, Neyo, R Kelly dhe shumë producentë me famë botërore si; London on Da Track, me të cilin kam diku 13 këngë bashkëpunim që do të lançohen së shpejti, e me shumë të tjerë që po t’ia filloj me emra do të më marrë një javë kohë. (qesh) Faleminderit për intervistën dhe së shpejti do të sjell ekskluzivitete të reja.

/Telegrafi/