Kreu i Wagnerit, Prigozhin tërheq trupat nga Bakhmuti

Kreu i grupit mercenar rus, Wagner, Yevgeny Prigozhin njoftoi sot se forcat i ka tërhequr nga Ukraina.

Në të njëjtën kohë, forcat ukrainase sulmuan pozicionet ruse në portin e Berdyansk.

Ai shtoi se Ministria ruse e Mbrojtjes kishte vendosur mjete shpërthyese përgjatë rrugëve të tërheqjes.

“Menjëherë para se të niseshim, zbuluam aktivitet të dyshimta gjatë avancimit tonë. Ne thirrëm organet e rendit dhe gjetëm një duzinë vendesh ku ishin vendosur dhjetëra mjete shpërthyese, nga qindra mina antitank e deri te tonelata plastide. Ato granata ishin hedhur nga përfaqësues të Ministrisë së Mbrojtjes”, tha ai.

Lexo po ashtu A po i përdor Kremlini politikanët çeçenë për të goditur dominimin në rritje të shefit të mercenarëve të Wagner?

Viktoria Khalytsyna, kreu i administratës ushtarake të qytetit ukrainas të Berdyansk, konfirmoi se forcat ukrainase sulmuan pozicionet ruse në këtë qytet. Anijet që kanë hyrë së fundi në port për të ngarkuar grurin dhe metalin ukrainas po largohen nga porti.

Në rrjetet sociale janë shfaqur video që tregojnë sulmin.

Rusët njoftuan se nëntë persona u plagosën nga sulmi dhe se nuk kishte informacion nëse ka pasur viktima.

Lexo po ashtu Rusia ka humbur të paktën 60 mijë ushtarë në përpjekjet për të pushtuar Bakhmutin

Pamjet e shpërthimit të fundit masiv në rajonin Belgorod të Rusisë janë shfaqur në rrjetet sociale.

Legjioni i Rusisë së Lirë, një grup që kundërshton regjimin e Putinit dhe lufton brenda rajonit, postoi një video të shpërthimit në Twitter.

Lexo po ashtu Ministri britanik i Mbrojtjes: Ukraina mund ta rimarrë këtë vit Krimenë

Sot foli edhe ministri britanik i Mbrojtjes Ben Wallace. Ai shprehu besimin se ekziston mundësia që ukrainasit ta rikthejnë Krimenë.

Sipas deklaratës së Wallace për Washington Post, pas nëntë vjet pushtimi rus, gadishulli mund të jetë sërish në duart e Kievit, pasi forcat ruse nuk kanë pajisje. /Telegrafi/