Lajme Kosovë

Krasniqi: Më në fund pas dhjetë vjet pavarësi një vendim i dinjitetshëm

Para 6 vitesh

Pas rritjes së taksës 100 për qind ndaj Serbisë, ka reaguar kryetari i Këshillit Kombëtarë të Nismës për Kosovën, Jakup Krasniqi.

Sipas tij, pas dhjetë vjetëve pavarësi ky është një vendim i dinjitetshëm.

Krasniqi ka thënë se është vendimi i vetëm që ka rëndësi të veçantë kombëtare gjatë gjithë këtyre viteve të Kosovës si shtet.

Postimi i Krasniqit në Facebook:

MË NË FUND, PAS DHJETË VITEVE PAVARËSI NJË VENDIM I DINJITETSHËM!

Vendimi i sotëm i Qeverisë së Kosovës që vije në prag të 11 vjetorit të Pavarësisë së Kosovës, është i vetmi vendim që ka rëndësi të veçantë kombëtare gjatë gjithë këtyre viteve të Pavarësisë e të shtet-ndërtimit.

Ky vendim nuk guxon të jetë i vetmi i kësaj natyre. Kosova duhet të merr edhe vendime të tjera në raport më cdo veprim të Serbinë, përderisa ajo vazhdon të eci me kokëfortësi në gjurmët e politikave të gjenocidit serb të kohës së Rankoviqit e të Millosheviqit. Ky vendim duhet të jetë përgjigje edhe për Bashkimin Evropian, pasi më shumë se pesë vende të tij votuan kundër ose abstenuan për t’u anëtarësua Kosova në Interpol. Kjo u bë për dy arsyeje:

Pse ato vende që 20 vite janë duke i mbrojtur politikat e gjenocidit serb, për të cilin gjenocid kanë dëshmi të shumta të cilat i dinë mirë ato vende, ashtu sic i dinë e gjithë Bota e qytetëruar; dhe

Pse po i mbrojnë kriminelet serb për të cilët Kosova duhet t’i kërkonte dhe ata të dilnin para drejtësisë për veprat e shumta kriminale, për të cilën gjë Serbia ka investuar para të shumta.

Nëse Botës se qytetëruar nuk i janë shkaktuar dhimbje njerëzorë, ne që i kemi jetuar ato dhimbje zemre, nuk jemi të obliguar t’i heshtim ato dhimbje të shpirtit njerëzor! Zërat e tyre nuk na lënë që të flemë rehat! Mogerini dhe askush në Bruksel, e theksoj askush në Bruksel nuk ka të drejt morale e as politike, madje as njerëzore t’ia mohoj Kosovës të drejtën për të marr vendime në mbrojtje të interesave të saja jetike. Gjatë e kemi pritur drejtësinë, por ajo nuk po duket gjëkundi! BE-ja nuk e ka ketë të drejtë edhe për faktin pse pas shekullit të errtë të sundimit serb në Kosovë, ajo po i mban të izoluar qytetarët e Kosovës. Nëse Brukseli dëshiron të reflektoj vlera demokratike, atëherë ai presionin duhet ta drejtoj mbi pinjollët e gjenocidit, mbi ata që vazhdojnë të qeverisin në Beograd dhe që i kanë amnistuar nga të gjitha politikat e krimit e të gjenocidit të kryera jo vetëm në Kosovë.

Ndërsa, udhëheqësit e Kosovës e kanë momentin e fundit ta tregojnë burrërinë e tyre për t’i dalë zot vendit e kombit të tyre. Nëse nuk e kanë burrërinë ta bëjnë ketë që i duhet kombit, le t’i lirojnë ato vende se ka kush u del zot! Politikat e gjenocidit serb nuk duhet toleruar më!

Qytetarët e Kosovës do të jenë në mbrojtje të lirisë dhe të perspektivës në vendin e vet! Edhe më fuqishëm sesa ishin në luftën e fundit!