Kosova cilësohet të jetë vendi me rrezikshmëri të lartë sa i përket shtimit të numrit të të infektuarve me virusin HIV, ndonëse ajo qëndron me numrin më të vogël të të infektuarve në rajon, njofton BBC.
Ekspertët thonë, se kjo ndodh për shkak të informimit të paktë në shkolla, mosedukimit të të rinjve dhe lëvizjeve në vendet fqinje të cilat janë të njohura për numrin e madh të të infektuarve.
Mosha më e prekur është ajo ndërmjet 30 dhe 40 vjeçare, dhe çdo vit në Kosovë një person diagnostikohet me virusin HIV.
Rasti i parë i një personi të infektuar me HIV –AIDS në Kosovë është diagnostikuar në vitin 1986. Prej atëherë në Kosovë numri i të infektuarve arriti në 75. Sipas të dhënave, numri më i madh i tyre, vinte nga shtetet nga kishin migruar.
Tashmë, personat me AIDS, të cilët jetojnë në Kosovë, në krahasim me vitet e mëparshme, kur shoqëria i izolonte ose nuk i pranonte, kanë formuar organizatat e tyre për këshillim mjekësor dhe psikologjik.
Shumë prej qytetarëve të Kosovës e vlerësojnë në mënyra të ndryshme se a duhet ose jo të pranohet një person i sëmurë me HIV – AIDS.
Në ditën botërore kundër kësaj sëmundjeje, disa prej të rinjve nuk dinin datën që simbolizon luftën kundër sëmundjes së shekullit, mirëpo kishin informacion të mjaftueshëm në lidhje me parandalimin e saj.
Parandalimi i shtimit të numrit të të infektuarve duhet të nisë që në institucionet shkollore, duke futur lëndën e edukimit mbi HIV – AIDS-in, thotë koordinatori i qendrës për këshillim dhe testim vullnetar për HIV-AIDS në klinikën infektive në Prishtinë, doktor Izet Sadiku.
Qeveria e Kosovës ka përpiluar strategjinë pesëvjeçare në të cilën bën pjesë qendra për këshillim dhe testim vullnetar si edhe laboratori.
Ekspertët thonë se Kosova ndodhet në fazën ku mund parandalohet sëmundja, për shkak të numrit të vogël të të infektuarve. Sipas tyre, qeveria e Kosovës deri tani nuk ka ndarë një fond të veçantë për të sëmurët me HIV-AIDS.
Mirëpo, këtë vit si vend në zhvillim ajo ka fituar një fond prej rreth 5 milionë eurosh nga UNAIDS-i, të cilën Kosova do e përfitojë gjatë pesë viteve të ardhshme për luftimin, parandalimin dhe mjekimin e personave të prekur nga sëmundja e SIDA-s.
Promo
Reklamo këtuLufta Prigozhin - Putin
Më shumëNga Rubrika
Një shenjë e çuditshme në gjuhë tregon se assesi nuk duhet të pini kafe
Ecja në gjunjë – Ushtrimet taoiste si kurë për shumë sëmundje
Çfarë ngjyre duhet të ketë urina e parë e mëngjesit? Mjekja solli tri epruveta në emision, vetëm njëra mund të jetë simptomë!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh