Jo të gjithë ata që shkëlqejnë si të ri premtues përfundojnë të kenë sukses në futbollin elitar.
Një shembull i kësaj është 'Izzy' Brown, një futbollist që në kohën e tij ishte një nga perlat e mëdha të sistemit të të rinjve të Chelseat dhe këtë të enjte ai njoftoi tërheqjen e tij nga futbolli në moshën 26-vjeçare.
"Unë jam përpjekur të përballem me emocionet e mia dhe ka qenë e vështirë. Ka qenë një vit i vështirë, por në fakt, sot dhe nesër ndoshta do të jenë ditët më të vështira të jetës sime. Nuk më pëlqen pasiguria”.
“Nuk më pëlqen si të mos e di se çfarë do të ndodhë në të ardhmen. Është shumë e vështirë për mua ta përpunoj gjithë këtë", ka thënë 'Izzy' Brown i cili në një deklaratë njoftoi se do të tërhiqet pasi ishte pa ekip që nga vera e kaluar.
'Izzy' Brown në kohën e tij theu një rekord në Ligën Premier kur bëri debutimin e tij për Chelsean në maj 2013, kur ishte vetëm 16 vjeç.
Chelsea e huazoi në shumë klube, para se ta largonte në vitin 2021.
Ai luajti për klube si Vitesse, Rotherham, Huddersfield, Brighton, Leeds United, Luton Toën, Sheffield Ëednesday dhe Preston./Telegrafi/
