Kinezët prapë hakojnë Amerikanët

Disa thonë se në dashuri dhe luftë çdo gjë është e lejuar. Nuk e dimë me saktësi se çfarë marrëdhënie kanë në mes vete Kinezët dhe Amerikanët për sa i përket kësaj shprehje, por njëri tjetrin assesi nuk po e lënë rehat.

Kështu tani hakerët kinez kanë depërtuar në serverët e Odës Amerikane të Tregtisë dhe kanë marrë të dhënat për tre milion anëtarët e saj. “Informatat” e përmendura përkthehen në gjashtë javë e-maila në lidhje me politikën kundrejt vendeve aziatike, e mund të ndodhë që të kenë ardhur edhe deri te e-mailët “e ndjeshëm” të vjetër deri në një vit.

Në Odë nuk e kishin ditur se ishin të sulmuar derisa FBI-ja nuk i ka lajmëruar se serverët nga Kina po ju vjedhin të dhënat. Sasia e saktë e të dhënave të marra nuk është e ditur. Pasi që kanë marrë vesh për sulmin, Oda ka hequr një pjesë të rrjetës së vet nga Interneti dhe ka nisur përmirësimin e sigurisë që zgjati 36-orë. Ky sulm mbi institucionet dhe kompanitë amerikane nuk është i pari (më herët janë hakuar serverët e NASA-s dhe ata të Google), e sipas të gjitha gjasave as i fundit. /Telegrafi/