Kim Kardashian nuk ishte në gjendje të mbyllte fustanin ikonik të Marilyn Monroe që veshi në Met Gala të së hënës dhe u detyrua ta linte të hapur, duke mbuluar të pasmet me një shall të bardhë gëzofi.
Në një video nga “Ripley’s Believe It or Not!” – Muzeu ku huazoi fustanin, Kim shihet në panik teksa ekipi i saj lufton për të ngritur veshjen mbi të pasmet e saj.
Por, pavarësisht se nuk ishte në gjendje ta mbyllte plotësisht me zinxhir, Kim u lehtësua kur ata kuptuan se mund të lidhnin vetëm pjesën e pasme të fustanit dhe më pas të mbulonin pamjen me një shall të bardhë gëzofi, ngjashëm me atë që Marilyn njihej që vendoste.
“Oh Zoti im! Po, a mund ta përdorim atë lidhëse dhe ta lidhim dhe ta mbajmë hapur?”, Kim pyet kur sheh se fustani pothuajse i përshtatet, në një video të siguruar nga TMZ . “Lidhësja vjen me të, apo jo? Po sikur ta bënim këtë dhe pastaj të vendosnim një lesh sipër”.
Kjo do të thotë se Kim veshi fustanin të zbërthyer ndërsa ecte në tapetin e kuq të Met Gala, përpara se të kthehej në një kopje të fustanit sapo të ishte brenda ambientit.
41-vjeçarja zbuloi se e detyroi veten të humbiste shtatë kilogramë në vetëm tre javë, në mënyrë që t’i përshtatej fustani.
Fustani vezullues i Marilyn-it me rruaza është dizenjuar nga Jean Louis dhe është ekspozuar në “Ripley’s Believe It or Not!” Muzeu në Orlando, pasi e blenë atë nga Ankandi Julien për 4.81 milionë dollarë. /Telegrafi/
