Interi rikthehet sot në stërvitje

Sot (e premte), Interi do të rikthehet në Appiano Gentile pas gati dy muajsh mungesë, me kusht që të mos ketë befasi nga kontrollet mjekësore.

Sipas Gazzetta dello Sport, hapi fillestar drejt normalitetit do të fillojë me grupe nga gjashtë deri në tetë lojtarë, me të parët që pritet të arrijnë në ora 13:00.

Alexis Sanchez, i cili mbaroi periudhën e tij të karantinës dy ditë më parë, do të jetë gjithashtu në Pinetina, pasi një mjek, një fizioterapeut he një ose dy anëtarë të stafit teknik do të shoqërojnë lojtarët që kthehen në terrenin e trajnimit.

Lexo po ashtu Interi dhe Napoli përgatisin rikthimin në stërvitje

Gazeta pretendon se trajneri Antonio Conte ka të ngjarë të paraqitet në tribuna dhe të vazhdojë të mbikëqyrë trajnimin e ekipit të tij.

Gjatë dy muajve të izolimit, lojtarët janë mbajtur të aftë përmes një programi të drejtuar nga tekniku italian dhe seancat individuale të kryera në grupe do të zgjasin rreth 90 minuta.

Ndërsa Serie A është në gjendje të ndaluar, Interi ka një ndeshje më pak dhe aktualisht është nëntë pikë pas liderëve të Juventusit dhe tetë pikë pas Lazios së vendit të dytë. /Telegrafi/