Hazard: E di se duhet ta dëshmoj veten te Reali

Eden Hazard e ka pranuar se ai ende ka nevojë që të përmirësohet dhe ta dëshmojë se mund të bëhet një lojtar i rëndësishëm te Real Madridi.

Ylli belg u transferua te Los Blancos në afatin kalimtar të kësaj vere nga Chelsea për 100 milionë euro, mirëpo ende nuk ka arritur ta dëshmojë veten.

Lojtari 29-vjeçar ka thënë se ai po punon shumë që të rikthehet në formën e tij të lartë, mirëpo që shpreson që të bëhet një lojtar i rëndësishëm për skuadrën.

“Unë ende nuk jam lojtar vendimtar për Real Madridi. Duhet ta dëshmoj se mund të jem një lojtar i rëndësishëm dhe se skuadra mund të mbështetet në mua”, ka thënë Hazard.

“Ne të gjithë e dimë historinë e numrin shtatë në klub dhe unë duhet të jem ai që mund ta mbajë atë numër me krenari”.

Lexo po ashtu Karriera e Hazardit në pikën kritike - tifozët e Real Madridit të acaruar

“Jam i bindur se çdo gjë do të shkoj mirë dhe do ta tregoj vetën si në klubet e mija të më hershme”, ka shtuar më tej belgu.

Perez thuhet se nuk ka shumë besim në Hazardin, andaj në verën e vitit të ardhshëm mund t’i shtojë konkurrencën. /Telegrafi/