LAJMI I FUNDIT:

Gjatë kësaj jave pritet raporti vlerësues për kufirin Kosovë-Mali i Zi

Gjatë kësaj jave pritet raporti vlerësues për kufirin Kosovë-Mali i Zi

Themelimi i komisionit ad hoc të ekspertëve ndërkombëtarë, që do të vlerësojnë procesin e demarkacionit ndërmjet Republikës së Kosovës dhe Republikës së Malit të Zi, gjatë kësaj jave ka gjasa t’i dorëzoj Presidentes raportin vlerësues për procesin në fjalë.

Tre ekspertët, nga Shtetet e Bashkuara të Amerikës, Gjermania dhe Britania e Madhe, kanë përfunduar fazën e bisedave me akterët politikë dhe institucionalë për procesin e demarkacionit në Kosovë, dhe për momentin ndodhen në Mal të Zi.

Mirëpo, profesori i gjeografisë në UP, Florim Isufi i cili ishte mjaft aktiv me hulumtimet e tij hartografike për shënimin e kufirit, mbetet skeptik për një zgjidhje të duhur nga ky Komision, sepse sipas tij është koha e shkurtër për verifikimin e gjithë këtij materiali dhe është marrëveshja e ratifikuar nga Kuvendi i Malit të Zi.


Isufi në një bisedë për KosovaPress tha se do të ishte me rëndësi që të nxirret një vendim i cili do të jetë i pranueshëm për të gjithë.

Ai tha se edhe në aspektin shkencor hartografik nuk ia ka mbushur syrin ky Komision, ngase në këtë grup është vetëm një gjeodet i cili merret me gravitet, e jo tipik hartograf, me çka do të vlerësonte më në detaje këtë proces.

“Presidentja e vendit do të duhej të angazhonte ekspertë të rëndësishëm të universiteteve të botës që merren me lëmin e ngushtë të demarkacionit”, konsideron profesor Isufi.

Përndryshe, ai tha se këtij Komisioni të përbërë prej një diplomati, një gjeodeti dhe një polici kufitar, i kanë ofruar të gjitha argumentet dhe materialet hulumtuese për kufirin e përfolur dhe problematik.

“Ne kemi pasur dy takime të gjata me Komisionin, iu kemi ofruar të gjithë materialin e duhur të cilin ne e kemi siguruar prej institucioneve më kredibile të të gjitha kohërave. Tash i mbetet Komisionit që ta shqyrtoi atë material dhe të nxjerr një përfundim të caktuar. Unë personalisht jam pak skeptik, arsyeja është se koha është e shkurt për verifikimin e gjithë këtij materiali, pastaj takimet edhe me palën malazeze, ratifikimi i marrëveshjes nga Kuvendi i Malit të Zi, etj”, tha Isufi për KosovaPress.

KosovaPress merr vesh se gjatë kësaj jave do të duhej të përfundonte afati për dorëzimin e raportit vlerësues për kufirin Kosovë-Mali i Zi nga Komisioni ad-hoc ndërkom bëtar. Ky raport do t’i dorëzohet Presidentes.

Në trend Lajme

Më shumë
Ish komandanti i UÇK-së, Ismet Tara, reagon pas deklarimit në Hagë

Ish komandanti i UÇK-së, Ismet Tara, reagon pas deklarimit në Hagë

Lajme
Analistët komentojnë

Analistët komentojnë "ofertën" e Limajt për Kurtin: Vetfaktorizim apo hapje e lojës politike?

Politikë
Ramadani: Shpresim Uka ka dhënë deklarata të pavërteta, kam incizuar një bisedë katërorëshe me të në Merdar

Ramadani: Shpresim Uka ka dhënë deklarata të pavërteta, kam incizuar një bisedë katërorëshe me të në Merdar

Lajme
Ekspertët e sigurisë: Ka foto e prova ndaj dy të akuzuarve për spiunazh, që janë të mjaftueshme për gjykatën

Ekspertët e sigurisë: Ka foto e prova ndaj dy të akuzuarve për spiunazh, që janë të mjaftueshme për gjykatën

Siguri
Publikohet video e rrallë e komandantit legjendar, Adem Jashari

Publikohet video e rrallë e komandantit legjendar, Adem Jashari

Lajme
Mashtrimi me pension invaliditeti në Zvicër, gruaja nga Kosova përfitoi pa të drejtë 173 mijë franga

Mashtrimi me pension invaliditeti në Zvicër, gruaja nga Kosova përfitoi pa të drejtë 173 mijë franga

Sociale
Kalo në kategori