Gazeta zvicerane Blick: A duhet që Challandes të largohet nga Kosova pas pandemisë botërore?

Gazeta Blick ka lëkundur paksa Federatën e Futbollit të Kosovës me një raportim rreth të ardhmes së Bernard Challandes

Trajneri zviceran ka kontratë me Përfaqësuesen tonë deri në fund të muajit qershor dhe sipas mediumit ende nuk ka bisedimet për të arritur një marrëveshje të re.

Challandes fitoi zemrat e futbolldashësve mbarë shqiptarë, duke fituar me ‘Dardanët’ 11 ndeshje, ka barazuar në pesë, prej 20 prej tyre.

Gazeta zvicerane në shkrimin kushtuar Beranrd Challandes, raporton se a duhet të larguar ai nga Kosova pas situatës me coronavirus dhe të kërkojë një aventurë të re.

Kualifikimi i Kosovës në Euro 2020 do të thoshte direkt edhe rinovim të kontratës për trajnerin, por virusi e bëri të tijën duke anuluar gjithçka dhe Kampionati Evropian tashmë është shtyrë për 2021.

Lexo po ashtu Përzgjedhësi i Kosovës, Challandes mesazh për coronavirusin: Disiplinën dhe solidaritetin, do të mposhtet edhe ky armik i padukshëm

Sido që të jetë, tani për tani të gjithë janë të përkushtuar në luftën kundër armikut të padukshëm, edhe vet Challandes nuk e ka mendjen diku tjetër: “Duhet të kuptojmë se momentalisht futbolli nuk është më e rëndësishmi në botë”.

Kosova është dy ndeshje larg historisë, pasi gjendet në gjysmëfinale të play-off të Ligës së Kombeve nga ku po synon kualifikimin në Evropian. /Telegrafi/