Fifi reagon për falënderimet ndaj Serbisë: Nuk më intereson çfarë ndihme kanë dhënë çetnikët, unë nuk e kam harruar të kaluarën time akoma

Këngëtarja Filloreta Raçi – Fifi, ka bashkëndier dhimbjen e saj me popullin shqiptar pas tragjedisë së fundit në Shqipëri.

Të martën, shteti shqiptar u godit nga dy tërmete të fuqishme të cila rezultuan me pasoja të shumta në njerëz, të lënduar e dëme të mëdha materiale.

Me gjithë mobililizim e treguar nga shtete fqinjë, nga Kosova në veçanti, Fifi duket se ka një kritikë ndaj adresimit të falënderimeve që po bëhen pas solidarizimit me prekurit nga tërmetet.

https://www.instagram.com/p/B5a5m5YAiEc/

Së pari, këngëtarja thotë se po i vjen keq kur e dëgjojnë ta quajnë “kosovare”, pasi ajo shprehet se duhet quajtur shqiptare e Kosovës.

Tutje, në një shkrim të publikuar në InstaStory, këngëtarja me prejardhje nga Prishtina e cila tash e sa vite është shpërngulur në Tiranë, ka kritikuar personat që po vënë emrin e shtetit serb menjëherë pas Kosovës, kur është puna te falënderimet.

Ajo madje thotë se është e indinjuar kur dëgjoi se fjalia nisi me falënderim ndaj italianëve, e më pas ndaj Kosovës.

Lexo po ashtu Beatrix Ramosaj edhe pas mesnatës iu qëndron afër të prekurve nga tërmeti, strehon një familje

Në rreshtat e fundit të shkrimit të saj, Fifi gjithashtu thotë se nuk i intereson ndihma që ka dhënë Serbia, pasi plagët e shkaktuara nga ky shtet gjatë luftës në Kosovë, nuk janë shëruar ende edhe pas gati dy dekadash.

Ndër të tjerash, ajo shprehet: “Nuk e di dhe nuk po më intereson me çfarë ndihme kanë dhënë çetnikët, ama unë të kaluarën time nuk e kam harruar akoma”. /Telegrafi/