“Është shumë e sjellshme” – Motra e Gjestit flet për romancën e tij me Eglin

Pas surprizës emocionuese që i bëri të vëllait në shtëpinë e Big Brother VIP Albania, Blerina, motra e Gjestit, ka dhënë një intervistë për emisionin Big Brother VIP Fan Club, ku ka ndarë mendimet e saj mbi rrugëtimin e Gjestit dhe raportin e tij me banorët e tjerë.

E pyetur nëse mendon që Gjesti po luan një strategji në këtë format, ajo e mohoi një gjë të tillë dhe u shpreh e bindur se ai është duke vepruar në mënyrë të sinqertë.

Po në lidhje me Eglin, mendon se po luan?

– Jo, nuk e mendoj. Sa e njoh unë, jo.

Lidhur me afrimitetin e krijuar mes Gjestit dhe Eglit, Blerina u shpreh se vendimi u takon atyre, por, familja nuk është kundër një romance mes tyre.

Do ju pëlqente një romancë mes Eglit dhe Gjestit?

– Ata e vendosin vetë. Nuk jemi kundër. Egli është një vajzë shumë e mirë dhe shumë e sjellshme, por vendimi u përket atyre.

Një tjetër temë e diskutuar ishin debatet e forta të Gjestit me Jozin dhe G-Banin. Blerina nuk e fshehu shqetësimin e saj për situatat e tensionuara, por gjithashtu u shpreh se familja nuk e ka parë të nevojshme të japë një opinion të prerë mbi këtë çështje.

Si jeni ndier kur keni parë debatet e ashpra të Gjestit me Jozin dhe G-Banin?

– Normal që nuk jemi ndier mirë, por nuk kemi pasur ndonjë mendim. Ka ndodhur. /Telegrafi/