Enkela publikon këngën e saj të parë “Asnjo si unë”

Këngëtarja e re, Enkela, ka debutuar në skenën muzikore me këngën e saj më të re, “Asnjo si unë”.

Kjo këngë pop, e cila premton të jetë një hit i madh, është kompozuar nga Fatjon Miftaraj, ndërsa tekstin e saj e ka shkruar Lira Blakaj.

E emocionuar për projektin e saj të parë muzikor, Enkela ndau me ndjekësit e saj në rrjetet sociale gëzimin dhe emocionet që e shoqëruan gjatë publikimit të këngës.

“Jam shumë e lumtur që mund të ndaj projektin tim të parë me të gjithë ju, por jam akoma më e lumtur që nga ky projekt i parë po marr shumë dashuri dhe nuk po i mungon suksesi! Duke pasur parasysh se gjithçka filloi si një ëndërr dhe pasion i madh i një vajze 6 vjeçe, asnjëherë dashuria për muzikën nuk do të shuhet!”, tha ajo në postimin e saj.

Ajo gjithashtu shprehu mirënjohjen e saj për të gjithë ata që e kanë përkrahur dhe vlerësuar punën e saj në këtë rrugëtim të ri artistik.

“Muzika është art dhe arti është frymëzim për të tjerët. Uroj që edhe në projektet e radhës të ju pëlqejë dhe të dashuroni atë që unë kam punuar ndër vite”, shtoi Enkela.

Kënga “Asnjo si unë” tashmë është e disponueshme në të gjitha platformat digjitale, dhe fansat e muzikës pop nuk duhet ta humbasin këtë debutim të ri premtues. /Telegrafi/