Tre adoleshentë kanë mashtruar vdekjen, pasi janë goditur dhe hedhur në ajër për disa metra nga një shofere që humbi kontrollin mbi timonin, dhe përfundoi me veturë në trotuar.
Vetura e tipit Peugeot 307 përfundoi duke përplasur një grup të rinjsh të cilët madje i hedh në ajër, dhe në një moment përfundojnë nën rrota, transmeton Telegrafi.
Kamerat e sigurisë kanë filmuar momentin e aksidentit të frikshëm që ndodhi në Domodedovo të Moskës.
Aty shihet sesi nga vetura del një femër më fustan të shkurtër, dhe pranë saj qëndronin pothuajse pa ndjenja të rinjtë.
Viktimat e aksidentit ishin 17 dhe 18 vjeç të cilët në ato momente po kalonin rrugën në vija të bardha.
Por, është interesant se si të rinjtë i shpëtojnë vdekjes, edhe pse në shikim të parë dukej se ata nuk kishin gjasa të ngriten më në këmbë. /Telegrafi/
