Dua Lipa: Përpiqem t’u tregoj njerëzve kudo që të shkoj dhe në çdo intervistë që jam nga Kosova

Këngëtarja shqiptare me famë botërore, Dua Lipa, ka bërë krenarë të gjithë shqiptarët me sukseset e saj.

Tash e sa kohë ajo vazhdon të jetë ndër artistet më të suksesshme në top listat britanike, e ndërsa edhe çmimet nëpër festivale dhe evente të ndryshme botërore nuk i ka të pakta.

Në çdo paraqitje të saj, artistja nuk ka refuzuar të flasë për prejardhjen e saj, duke treguar se ndjehet krenare që është nga Kosova.

Së fundmi, Dua ka vendosur të ndajë me fansat në rrjetin social Instagram një fotografi, në të cilën ka shfaqur një nga botimet e gjyshit të saj, i cili ka qenë kryetar i Institutit të Historisë në Kosovë gjatë viteve 1990-1995.

https://www.instagram.com/p/BgaqSpIl1-w

Në mbishkrimin e footgrafisë, Dua shkruan me krenari për suksesin e gjyshit, ndërsa thotë se në çdo intervistë mundohet të tregojë për historinë tonë.

“Gjyshi im Seit Lipa ishte Kryetar i Institutit të Historisë së Kosovës, midis viteve 1990-1995. Dëshiroj të tregoj historinë tonë dhe nga vjen gjaku jonë dhe përpiqem t’u tregoj njerëzve kudo që të shkoj dhe në çdo intervistë që jam nga Kosova. Kemi një histori shumë interesante, një nga e cila mësoj nga pak më shumë çdo herë. Një artikull kohët e fundit doli në lidhje me punën e gjyshërve të mi dhe kjo më bëri të dëshiroja të dilja me krenari, kështu që doja të ndaja këtë moment të vogël me të gjithë ju”, ka shkruar Dua Lipa në fotografinë në Instagram.

E njëjta, do të jetë prezente në Kosovë më datën 10 gusht, ku do të mbajë një koncert gjigant, në kuadër të festivalit “Sunny Hill”. /Telegrafi/