Drita i hakmerret Lirisë për dy humbjet këtë edicion, kampioni në fuqi triumfon lehtësisht para tifozëve të vetë

Drita ka arritur t’i hakmerret Lirisë për dy humbjet këtë edicion dhe e ka mposhtur në Gjilan me rezultat 2-0.

Kampioni në fuqi i Kosovës që nga minuta e parë bëri ndeshje të bukur duke sulmuar vazhdimisht portën e mysafirëve.

Por 45 minutat e para të kësaj sfide u mbyllën ashtu siç filluan me rezultat të barabartë 0-0.

Liria u mundua që nëpërmjet kundërsulmeve ta ndëshkonte kampionin në fuqi por një gjë të tillë nuk ia arriti.

Drita golin e parë në ndeshje e realizoi në minutën e 78-të, kur shënoi njëri nga lojtarët e saj më të mirë Filonit Shaqiri pas asistimit nga Xhevdet Shabani për 1-0.

Vetëm katër minuta më vonë kampioni në fuqi shënoi edhe golin e dytë dhe të sigurisë.

Një kundërsulm i vendasve bëri që sulmuesi ferizajas i Dritës, Betim Haxhimusa të realizojë me lehtësi për 2-0.

Deri në fund mysafirët tentuan të shënojnë gol por një gjë të tillë nuk ia arritën.

Pas kësaj fitore Drita blindon pozitën e katërt në tabelë me 38 pikë të grumbulluara, ndërsa Liria mbetet e parafundit me 24 pikë. /Telegrafi/