Dimitrov për metodologjinë e re të BE-së: Presim fitore të dyfishtë, nuk frikësohemi nga vendosja e kthyeshmërisë

Ministri i Punëve të Jashtme Nikolla Dimitrov, ka reaguar pas daljes në opinion të metodologjisë së re të zgjerimit të Bashkimit Evropian.

Dimitrov thotë se shtetet e rajonit nuk duhet të frikësohen nga vendosja e kthyeshmërisë, përcjell Telegrafi Maqedoni.

“I mirëpresim përpjekjet e Komisionit Evropian për të përmirësuar procesin e pranimit. Metodologjia e re kontribuon në dimensionin e forcuar politik, por edhe në më shumë dinamizëm, parashikueshmëri dhe besueshmëri të procesit. Ne besojmë se kjo qasje e rinovuar do të rezultojë në një fitore të dyfishtë në javët e ardhshme: hapjen e negociatave së bashku në një proces të përparuar”.

“Ne në rajon nuk kemi pse të frikësohemi nga vendosja e kthyeshmërisë. Mbi të gjitha, procesi i hyrjes ekziston për të shndërruar realitetet për të mirë. Më shumë përfitime për reformatorët dhe më shumë sanksione për ata që kthehen në bazë të një vlerësimi objektiv të besueshëm të përparimit është një hap përpara. Është koha e fundit për të filluar konkurrencën e shëndetshme të reformave në rajonin tonë”, thotë Dimitrov.

Sipas metodologjisë së re, parashihet që procesi të jetë më efikas, më parashikues, më me vlera – i bazuar në kritere objektive, por në të njëjtën kohë edhe i kthyeshëm.

Komisioni Evropian propozon që kapitujt për negociata të vendosen në 6 grupe tematike, me çka do të mundësohet fokus më i madh i sektorëve kyç në dialogun politik./Telegrafi/