Brenda rezidencës së re luksoze të Cristiano Ronaldos në Lisbonë, e cila kap shifrën e 6.6 milionë eurove

Cristiano Ronaldo bleu banesën më të shtrenjtë të shitur ndonjëherë në Lisbonë, pasi pagoi gjashtë milionë funte (6.6 milionë euro) për pronën që përfshin një palestër dhe pishinë shtëpie.

‘Penthouse’-i verbues është gjendet pranë Parkut Eduardo VII, afër lagjes, ku Ronaldo kaloi disa nga fillimet e tij të vështira, shkruan The Sun.

Mediat lokale raportojnë se ylli i Juventusit mori banesën në kryeqytetin Portugez në korrik të vitit 2018, por lajmet për blerjen e ‘penthouse’-it janë bërë të ditura tek së fundmi.

Futbollist portugez thuhet se ka blerë këtë banesë në hapësirë 3,100 metra katrorë në zonën Avenida de Liberdade të qytetit.

‘Penthouse’-i përfshin: një banjë, një pishinë, një palestër, si dhe tre dhoma gjumi të mëdha.

Kjo blerje e tij vjen pasi ai së fundmi ia shiti një rezidencë për dy milionë funte ish-shokut të tij të skuadrës së Real Madridit, Pepe, që ndodhet në zonën Geres në Portugalinë Veriore.

Ronaldo e kishte në pronësi këtë rezidencë për dhjetë vjet dhe e kishte blerë atë gjatë kohës sa ishte pjesë e Manchester United.

Ai e përdori pronën në atdheun e tij kur donte të shijonte njëfarë privatësie, megjithatë, vendosi që më pas ta shesë atë.

Ronaldo jeton me të dashurën e tij Georgina Rodriguez në Torino, pasi vendosi t’i bashkohet skuadrës së Juventuesit.

Dhe një nga fqinjët e tij, e quajtur Elizabeth, e njohur më mirë si Betty, e komplimentoi çiftin për mënyrën se si ata jetojnë jetën e tyre.

Ajo tha: “Shumë heshtje, asnjë palë. Unë kurrë nuk kam parë vetura të kalojnë në rrugën tonë private”.

“Unë shpesh e shoh atë në timonin e një Rolls-Royce. Ne e shohim atë të kalojë çdo ditë, me xhama të zinj. Por në garazhin e shtëpisë së tij ai gjithashtu ka vetura sportive, si një Lotus”, thotë fqinja e tyre.

“Ai ka një pishinë të bukur dhe një kopsht të vogël. Kujdeset mirë për lulet shumëngjyrëshe”, shtoi më tej Betty.

“Unë shoh që Cristiano Junior shpesh endet me ‘skateboard’-in e tij, lart e poshtë rrugës që të çon në shtëpitë tona, gjithmonë me truprojat nga mbrapa”, ka treguar më tej fqinja e familjes Ronaldo. /Telegrafi/