Edith Durham ka shkruar për prerjen e kokave si një veprim barbar që është zbatuar në Evropë deri në shekullin XIX, kurse në Ballkan edhe gjatë fillimit të shekullit XX. Në luftërat ballkanike Durham ka dëshmuar me fotografi kur malazezët dhe serbët ua prisnin kokat shqiptarëve dhe buzët së bashku me hundën. Ata këtë barbari e bënin kur viktimat e tyre kishin vdekur.
Durham me siguri ka menduar se luftërat ballkanike kanë shënuar fundin e këtij akti jonjerëzor. Në fakt, kjo barbari në formë edhe më mizore e bizare është shprehur edhe gjatë luftës së fundit në Kosovë. Sllobodan Jovanoviq, një ndër komandantët e njësive speciale të policisë serbe që kishte vepruar duke bërë krime të luftës në Kosovë, ka dëshmuar se si anëtarët e njësisë së tij kanë prerë koka. Fjala është për rastin që kishte ndodhur në Rahovec kur një polic serb ia kishte prerë kokën një shqiptari dhe pastaj atë e kishte zier për disa ditë për t’ia nxjerrë dhëmbët e arit dhe nga kafka për të krijuar llambë tavoline. Ky është rast që i tejkalon të gjitha barbaritë. Në anën tjetër rasti dëshmon për pakufishmërinë e mendjes së njeriut që e shtynë të veprojë në mënyrë të paimagjinueshme jonjerëzore.
Në fakt, prerja dhe zierja e kokës nuk është rasti i parë që ka ndodhur në Evropë. Një dëshmi të këtij barbariteti e sjell edhe Simon Murray, një anglez i cili ka qenë ushtar, më vonë edhe oficer, i Legjionit Francez për të Huajt. Njësia e tij ka vepruar në Algjeri gjatë luftës së këtij vendi për pavarësim nga Franca. Përjetimet e tija ai i përshkruan në librin (autobiografi) të titulluar ‘Legionnaire’ (Legjionari). Ky libër ka shërbyer si skenar për filmin ‘Deserter’ (Dezertori) që është xhiruar në vitin 2002 nën regjinë e Martin Huberty.
Murray dëshmon për francezët e ‘kulturuar’ se si i persekutonin dhe i vrisnin në mënyrë barbare popullatën civile algjeriane. Ai dëshmon edhe për një rast të ngjashëm me këtë të Rahovecit. Disa oficerë francez, kokat e prera i ziejnë në një kazan për të bërë supë ose gjellë. Këtë e bëjnë me qëllim që t’i shpotisin ushtarët.
Mendja që ndikohet nga propaganda armiqësore e shtynë ‘njeriun’ ta konsideroj ‘armikun’ si jonjeri ose shtazë, dhe si rezultat, të bëjë edhe kësi veprime. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
Çka kishte thënë Hashim Thaçi për Ibrahim Rugovën më 1999 në intervistën e Zërit të Amerikës?
Koloneli amerikan në pension, Jacobus: Anëtarësimi i Kosovës në BE dhe NATO është në horizont
Aktakuza për Rastin Banjska, dëshmitari thotë se Radoiçiq ka ikur në Rusi, tjetri tregon se grupi i tij punon për Ushtrinë e Serbisë
UEFA ka paralajmëruar Anglinë se rrezikojnë seriozisht përjashtimin nga Euro 2028
Luajti me të njëjtat numra njëzet vjet në lotari - amerikani fitoi 1 milion dollarë, një vjet pasi kishte fituar edhe bashkëshortja e tij
Intervista e Ibrahim Rugovës që i nxori probleme gazetarit të Zërit të Amerikës, Elez Biberaj