Ronaldo Luis Nazario de Lima apo i njohur vetëm si Ronaldo ka prognozuar se Real Madridi do të fitojë në ndeshjen finale të Ligës së Kampionëve përball Liverpoolit.
Mbretërit do të ndeshen me Reds në finalen e madhe të Ligës së Kampionëve, e cila zhvillohet të shtunën mbrëma në Olimpik Stadium të Kievit.
E gjithë bota janë ndarë në dysh rreth kësaj finale, ku disa anojnë kah Reali dhe disa tjerë kah Liverpoolit.
Megjithatë, Reali është favoriti në finalen e Ligës së Kampionëve, pasi ata duken më të kompletuar për të fituar trofeun për herë të tretë radhazi dhe të katërt në pesë sezonet.
Edhe ish-ylli i Mbretërve, braziliani Ronaldo, beson se klubi i tij i mëparshëm do ta mposht Liverpoolin në një takim të madh.
"Rezultati im është 3-2 për Madridin", ka thënë fillimisht Ronaldo për El Partidazo de COPE.
"Nëse fitojnë finalen do të jetë një ngjarje e pashembullt në historinë e tyre. Jam shumë optimist".
"Kishte dyshime gjatë këtij viti, por Real Madridi u bashkua dhe ka arritur diçka historike", përfundoi legjenda braziliane. /Telegrafi/