Reka, Siljanovska dhe Pendarovski do të nënshkruajnë Kodeksin për fushatë demokratike

Kandidatët presidencial të Republikës së Maqedonisë së Veriut, Blerim Reka, Gordana Siljanovska Davkova dhe Stevo Pendarovski, sot në hapësirat e Komisionit Shtetëror Zgjedhor, do të nënshkruajnë Kodeksin për zgjedhje korrekte dhe demokratike.

Me këtë kodeks ata obligohet të udhëheqin fushatë korrekte dhe me raport korrekt ndaj kundërkandidatëve.

Fushata e zgjedhjeve presidenciale fillon nesër më 1 prill dhe mbaron më 19 prill. Rrethi i parë i zgjedhjeve presidenciale do të jetë më 21 prill, ndërsa i dyti më 5 maj.

Aleksandar Kiracovski, shefi i shtabit zgjedhor të Stevo Pendarovskit, mbrëmë tha se është dakorduar të ketë katër duele televizive mes Pendarovskit dhe Davkovës./Telegrafi/