Dalja në skenë e Raul Asencios ka qenë një lehtësim për Real Madridin këtë sezon dhe ata tashmë janë përgatitur për ta zgjatur qëndrimin e tij në ekipin e parë, ani pse këto plane janë pezulluar për një afat të pacaktuar.
Asencio la shenja në ekipin e Carlo Ancelotitt në nëntor të vitit të kaluar, duke zëvendësuar Eder Militaon pasi ky i fundit këputi ligamentin e gjurit për herë të dytë brenda 15 muajsh.
Ancelotti ka besim tek Asencio për ndeshjet e mëdha, që është një testament i nivelit në të cilin po paraqitet 21-vjeçari këtë sezon.
Së fundmi, ai u shpërblye për formën e tij duke marrë ftesën nga ekipi A i Spanjës duke tejkaluar plotësisht grupmoshat U21 gjatë këtij procesi.
Qëllimi i tij i radhës pas debutimit të mundshëm me Spanjën do të ishte rinovimi i kontratës me Real Madridin.
Dy palët thuhet që janë në negociata të avancuara në këtë drejtim, por Onda Cero ka raportuar se këto bisedime janë pezulluar tash e sa kohë.
Sipas raportit, aryseja pse këto bisedime janë ndërprerë është sepse Real Madridi po pret rezultatin e një problemi ligjor në të cilin Asencio është i përfshirë.
Ylli madrilen po akuzohet për shpërndarjen e disa pamjeve pornografike ku ishin të përfshirë fëmijë.
Real Madridi ka besim se Asencio do të dalë i pastër nga ky rast dhe nëse kjo dëshmohet, ata tashmë kanë gati për të një kontratë të re pesë vjeçare./Telegrafi/