Nuk e bëri Atalanta, por u përkujdes RB Leipzig për befasinë më të këndshme të këtij edicioni në Ligën e Kampionëve.
Skuadra gjermane ka shënuar fitore 2-1 ndaj Atletico Madrid në çerekfinale duke kaluar në gjysmëfinalen e Ligës së Kampionëve.
Për klubin gjerman ky është një sukses historik, pasi kurrë më parë nuk kishte arritur që të jetë në mesin e katër skuadrave më të mira në Evropë.
T’i kthehemi ndeshjes ku është zhvilluar një 90 minutësh i zjarrtë, edhe pse në pjesën e parë munguan golat.
Dy skuadrat patën raste të mira shënimi, por 45 minutat e parë përfunduan ashtu siç filluan pa gola 0-0.
Leipzig e nisi për mrekulli pjesën e dytë, ku në minutën e 51-të Dani Olmo shënoi me kokë pas asistimit nga Sabitzer për 1-0.
Atletico Madrid fitoi një penallti në minutën e 70-të, pasi Joao Felix u pengua në zonë nga Klostermann.
I saktë nga pika e bardhë ishte sulmuesi portugez që barazoi gjithçka.
Por dy minuta para fundit të ndeshjes, Leipzig arriti të shënojnë golin historik.
Mesfushori amerikan i inkuadruar në lojë, Tyler Adams shënoi një gol nga distanca, gol që doli të jetë vendimtar për fitoren e skuadrës së tij.
Kësisoj RB Leipzig shkaktoi befasinë më të madhe këtë edicion të Ligës së Kampionëve, teksa në gjysmëfinale do të përballet me kampionin francez Paris Saint Germain. /Telegrafi/
GOAL ! Olmo scores vs Atletico Madrid. 1-0 pic.twitter.com/FOdCMFuRzW
— OnlyFootballClips (@OnlyFootballCl1) August 13, 2020
João Félix is still one of the best young players in the world. He has been good tonight and his confidence is fantastic to see.
This is a very well taken penalty:pic.twitter.com/HC6CZtRgHp
— UtdArena (@utdarena) August 13, 2020