Qytetari dhuron rreth 26 ari truall për Bashkësinë Islame të Pejës
13/03/2025
Tomor Kastrati nga Graboci ka dhuruar 2604 m² truall për Bashkësinë Islame të Pejës, ka bërë të ditur ky institucion fetar.
Ky gjest bamirësie është vlerësuar si një kontribut i çmuar për komunitetin dhe nevojat e tij fetare.
Kryetari i Bashkësisë Islame të Pejës, Mulla Musli ef. Arifaj, e ka falënderuar Kastratin për këtë veprim fisnik, duke theksuar rëndësinë e solidaritetit dhe ndihmës në shërbim të komunitetit.
Ai shtoi se ky donacion do të ketë një ndikim pozitiv në jetën e besimtarëve dhe në zhvillimin e aktiviteteve fetare në zonë./Telegrafi/