Prishtinë, nis asfaltimi i rrugës “Bedri Berisha”- krah i parë i rrugës C

Drejtori i Infrastrukturës në Komunën e Prishtinës, Sokol Havolli, ka bërë të ditur se ka nisur asfaltimi i rrugës “Bedri Berisha”, krah i parë i rrugës C.

Sipas tij, kjo rrugë ka një densitet të lartë banorësh dhe përdoret çdo ditë nga numër i madh automjetesh, prandaj ndërhyrja ishte e domosdoshme.

“Po fillon asfaltimi i rrugës ‘Bedri Berisha’, një projekt i rëndësishëm për banorët e kësaj zone”, ka shkruar Havolli, duke ndarë edhe pamje nga vendpunishtja.