Odise Roshi prezantohet te Diosgyori VTK

Odise Roshi është transferuar zyrtarisht në kampionatin hungarez të futbollit, te klubi Diosgyori VTK.

Sulmuesi anësor ka nënshkruar me DVTK, që është pjesë e elitës së futbollit hungarez dhe sot ka bërë prezantimin zyrtar në stadium, para se të fillonte seancën e parë stërvitore.

Kartoni i Odise Roshit mbetet në pronësinë e klubit të Akhmat Groznyt në kampionatin rus.

Fieraku është transferuar në formë huazimi deri në fund të sezonit te DVTK, që ka edhe opsionin e blerjes përfundimtare.

Odise Roshi është futbollisti i radhës shqiptar që transferohet në kampionatin hungarez, pasi më herët kanë shkuar atje lojtarë si Myrto Uzuni që aktivizohet me Ferencvaros apo Hysen Memolla e Herdi Prenga. /Telegrafi/