Një baba nga Britania e Madhe hapi një dyqan në oborrin e shtëpisë – ku ofron prerje të flokëve, pasi nuk mund të përballonte qiranë e lartë të një lokali në rrugët e pasura të qytetit.
Nathan Scotfold, 42-vjeç nga Kenti, mbylli lokalin e tij nëntë muaj më parë, dhe tani ka hapur një në formë kabine në oborrin e shtëpisë në Folkestone, transmeton Telegrafi.
Vendosi ta zhvendosë biznesin e tij në oborrin e shtëpisë, pasi kostoja në qytet ishte më e lartë – që do të thotë se i duhej të paguante nga 2 mijë funte qira në muaj.
Ky baba i tre fëmijëve mendoi fillimisht se gjithçka mori fund, por ishte një mik i fëmijërisë që ia propozoi idenë dhe biznesin e zhvendosi në shtëpi.
Tani thotë se ka numër të madh të klientëve, dhe është i kënaqur me punën që po e zhvillon në oborrin e shtëpisë. /Telegrafi/
