Në palestrën sportive në Leposaviq vendoset pllakata me simbole të Republikës së Kosovës
27/05/2025
Në palestrën sportive në Leposaviq është vendosur pllakata me simbole të Republikës së Kosovës.
Shqipe Latifi, shefja e kabinetit të kryetarit të Komunës së Leposaviqit, Lulzim Hetemi e ka konfirmuar për Telegrafin vendosjen e kësaj pllakate.
"Është vendosur sot pllakata, nuk ka pasur asnjë problem, gjithçka ka shkuar në rregull", ka thënë shkurtimisht Latifi.
Në këtë aksion, Policia e Kosovës ka asistuar zyrtarët komunal për të marrë nën mbikqyrje palestrën sportive.
Këtë e ka konfirmuar për Telegrafin edhe zëvendësdrejtori i Policisë për rajonin e veriut, Veton Elshani.
“Po, është vendosur pllakata me simbole të shtetit tonë. Ne kemi asistuar zyrtarët komunal për të marrë nën mbikqyrje palestrën sportive”, ka thënë Elshani. /Telegrafi/