Telenovela Mauro Icardi sapo ka filluar dhe emri i argjentinasit pritet të jetë një nga më të lakuarit gjatë verës.
Sulmuesi i Interi është përfolur shumë për një kalim të mundshëm te Real Madridi.
Por, sipas Sun në gjurmët e Icardit është vënë edhe Manchester Unitedi.
Jose Mourinho duket se nuk është i ngopur nga sulmuesit, pas ardhjes së Romelu Lukakut, Alexis Sanchez e Zlatan Ibrahimovic, ai dëshiron edhe ish-yllin e Sampdorias për të pasur një sulm të kompletuar.
Klauzola e Icaridt është 110 milionë euro që nga klubet e mëdha shikohet si një çmim i arsyeshëm.
Por, problemi i vetëm për skuadrat që e dëshirojnë atë është se 25-vjeçari është në prag të rinovimit te Interi, kjo pasi e shikon të ardhmen në Milani.
Deri më tani në Serie A ai ka shënuar 18 gola në 24 paraqitje dhe ka dhuruar një asistim.
Pra, mesatarja e tij është 108 minuta për gol. /Telegrafi/