Momentet rrëqethëse kur aeroplanët fluturuan “përmes” vetëtimave, ndërkohë që stuhitë goditën Britaninë (Video)
Mediat kanë publikuar disa pamje të cilat mund të konsiderohen vërtetë rrëqethëse dhe të cilat tregojnë se si një aeroplan “rrethohet” nga rrufej, ndërsa stuhitë goditën Britaninë e Madhe.
Sipas mediave britanike, përcjell Telegrafi, pamjet tregojnë dy aeroplanë që kalojnë ndërsa stuhia e egër e goditi Londrën brenda natës.
Siç është raportuar më herët, rreth 15 mijë vetëtima janë regjistruar brenda katër orësh mesnatën e së shtunës.
Kjo gjendje e motit ka bërë gjithashtu një aeroport të raportojë edhe për vonesa, pasi një goditje vetëtime nxori jashtë funksioni përkohësisht sistemin e furnizimit me karburant të avionëve.
Shërbimi kombëtar i motit, “Met Office” gjithashtu ka paralajmëruar stadin e ngjyrës së verdhë për të pasur kujdes nga shirat e rrëmbyeshëm dhe përmbytjet përgjatë Uellsit dhe shumicës së territorit të Anglisë. /Telegrafi/