Mbesin në garë dy kandidatë për gjyqtar të Kushtetueses

Vigan Qorrolli do të jetë në garë me Haxhi Xhemajlin për t’u bërë gjyqtar në Kushtetuese.

Kjo pasi që në Kuvendin e Kosovës, në raundin e dytë ka fituar Xhemajli me shumicë votash.

Haxhi Xhemajli ka marrë 44 vota nga deputetët, teksa Hilmi Jashari ka marrë 29.

Në raundin e parë, të dy këta kandidatë morën nga 18 vota, teksa mbështetësi i VV-së, Vigan Qorrolli 50 sosh.

Në raundin e tretë pritet zgjedhja e gjyqtarit të ri të Kushtetueses.

Në propozimin që Komisioni i posaçëm për shqyrtim të kandidatëve për emërim si gjyqtarë të Kushtetueses, Qorrolli u prezantua si emri me më së shumti pikë nga testimi me shkrim dhe intervistimi me gojë.