Lewandowski ishte i pafat në një rast ndaj Suedisë, goditi dy herë traversën brenda një aksioni

Robert Lewandowski mund të jetë njëri nga sulmuesit më të mirë të gjeneratës së tij, por kjo nuk e ndaloi polakun të prodhonte dy ‘huqje rasti’ të mahnitshme gjatë përplasjes së Polonisë ndaj Suedinë në Euro 2020.

Me Poloninë që ishte në disavantazh 1-0 në takimin e Grupit E, sulmuesi i Bayern Munich pati një rast ideal për të barazuar shifrat.

Megjithatë, goditja e sulmuesit me kokë u përplas në traversë duke humbur mundësinë e barazimit.

Topi i kthyer nga traversa përsëri erdhi tek Lewandowski, i cili përsëri tentoi me kokë, por goditja prapë u ndal nga traversa duke humbur dy raste.

Ato nuk ishin rastet më të lehta, por pritej që një lojtar që shënoi rekord prej 41 golash gjatë sezonit 2020/21 në Bundesliga të shfrytëzonte një mundësi të tillë.

Megjithatë, sulmuesi veteran e shpagoi veten paksa duke shënuar një supergol për të ngushtuar epërsinë në 2-1, ndërsa më vonë edhe për barazimin 2-2.

Por, minutat shtesë ishin të këqija për polakët që pranuan gol duke humbur 3-2 dhe duke u eliminuar nga grupet. /Telegrafi/Luani dhe fitoni shpërblime këtu >Më shumë lajme nga kampionati Euro 2020 > --