Vajza e spektakleve dhe pasarelave Aurela Hoxha, që prej ndarjes nga bashkëshorti, me të cilin pati një martesë më shumë se 10-vjeçare, ka rigjetur dashurinë.
Ajo ka nisur një lidhje të re, por deri më tani asgjë nuk është pranuar nga blogerja bukuroshe.
Megjithatë revista ‘Bordo’ ka zbuluar detaje rreth kësaj lidhje dhe është zbuluar se Aurela po jeton prej muajsh një histori të bukur dashurie me një biznesmen me origjinë nga Miloti.
Alban quhet djali laçian që i ka vjedhur zemrën blogeres dhe duket se ata po jetojnë një marrëdhënie tepër intensive.
Në udhëtimet e shpeshta të Aurelës kohëve të fundit nëpër vende ekzotike, duket se ka pasur shoqërues pikërisht të dashurin e ri Albanin. Bordo ka siguruar disa foto ekskluzive të çiftit, i cili ishte mbrëmë duke u argëtuar në një prej lokaleve të natës në Tiranë.
Aurela dhe Albani ishin me grup shoqëror, por herë pas here nuk ngurronin të shfaqnin afeksion ndaj njëri-tjetrit.
