Margaret Qualley tërhoqi vëmendjen në premierën e filmit të saj të ri The Dog Stars, por jo vetëm për fustanin elegant.
Në qendër të vëmendjes ishin edhe sandalet e saj të pazakonta Chanel.
Aktorja u shfaq në tapetin e kuq me sandalet e quajtura “zbathur”, pjesë e koleksionit Cruise 2026/27 të Chanel, shkruan DailyMail.
Këpucët kushtojnë rreth 2.6 mijë euro dhe kanë shkaktuar shumë reagime në rrjet, me disa përdorues që i kanë cilësuar si ndër këpucët më të shëmtuara në botën e modës.
Gjatë intervistës, gazetari i Good Morning America, James Longman, e pyeti me shaka: “Je zbathur?” Qualley qeshi dhe iu përgjigj: “Po! E kam Chanel-in e vogël”.
Longman vazhdoi me humor duke komentuar se të ecësh zbathur në Leicester Square është një zgjedhje e guximshme.
Komentet shkaktuan të qeshura, ndërsa edhe fansat në rrjetet sociale u ndanë në mendime për modelin e pazakontë.
Për premierën, Qualley kishte zgjedhur një fustan të zi elegant me thekë. The Dog Stars, me regji të Ridley Scott dhe ku luan edhe Jacob Elordi, pritet të shfaqet në kinema më 28 gusht. /Telegrafi/