Ish-ylli i Disneyt akuzon Miley Cyrus për bullizëm: Më thoshte se duhej të operoja hundën

Ish-këngëtarja e Disneyt, Jordan Pruitt, ka akuzuar Miley Cyrus se e ka bullizuar gjatë viteve të adoleshencës.

Pruitt pretendon se Cyrus, së bashku me një shoqe të saj, i dërgonte mesazhe fyese dhe i thoshte se duhej të operonte hundën dhe të rregullonte dhëmbët.

Pretendimet u bënë sërish virale pasi një koment i vjetër i Pruitt në Instagram u shpërnda në Reddit dhe më pas në rrjete të tjera sociale.

Duke komentuar një video të vjetër ku Cyrus pretendohet se tallej me Demi Lovato dhe Selena Gomez, Pruitt shkroi se kështu këngëtarja sillej dikur me të gjithë, përfshirë edhe atë.

Pas pyetjes së një përdoruesi për më shumë detaje, Pruitt deklaroi se Cyrus e telefononte dhe i linte mesazhe fyese, duke i thënë se kishte nevojë për operacion të hundës, dhëmbë të rinj dhe një koreograf.

Ajo e përshkroi Cyrus si ‘të pamëshirshme’.

Pruitt ka folur edhe më herët për marrëdhënien e saj me Cyrus.

Në mars, ajo deklaroi se kënga e saj “Boyfriend”, e publikuar në vitin 2008, ishte shkruar për Miley Cyrus.

Në atë periudhë qarkullonin thashetheme se Pruitt kishte pasur një lidhje me Nick Jonas, i cili më parë kishte qenë në një lidhje me Cyrus.

Jordan Pruitt u bë e njohur si këngëtare adoleshente e Disneyt, veçanërisht me këngët “Outside Looking In” dhe “Jump to the Rhythm”.

Ajo performoi gjithashtu në turne me emra të njohur të Disneyt, përfshirë Jonas Brothers, Demi Lovato dhe Cheetah Girls. /Telegrafi/