Helena Paparizou kujtohet si fituesja e Eurovisionit në vitin 2005 dhe për paraqitjen, ndërsa për performancën e saj në festivalin muzikor u përfol vite më vonë.
“My Number One” ende lëshohet në klubet e natës dhe festat e kërcimit, ndërsa përveç këngës së përmendur, publiku e kujton artisten edhe si një greke magjepsëse me lëvizje kërcimi të mrekullueshme.
Së fundmi, ajo është shfaqur në një festival, ku e ka përsëritur të gjithë performancën e saj në Eurovision dhe fansat janë mahnitur me dukjen e saj, 18 vjet pas triumfit në festivalin evropian të këngës.
Helena tash është 41 vjeçare dhe vazhdon të jetë aktive në botën e muzikës.
Para dy muajsh e publikoi këngën e re të quajtur “Fevgo”, derisa është edhe anëtare e jurisë së spektaklit muzikor në versionin grek, “The Voice”. /Telegrafi/