Filloi ndërtimi i rrjetit të kanalizimit në Bërvenicë
11/02/2017
Mbi tre mijë banorë të rajonit të Bërvenicës, për gjashtë muaj do të bëhen me rrjet të kanalizimit. Ndërtimi i kanalizimit ka filluar sot, ndërsa do të ndërtohet edhe kolektor për trajtim të ujrave të zeza, përcjell Telegrafi Maqedoni.
Ky investim do të kap shifrën e 21,5 milionë eurove, të cilat janë siguruar nga Banka Investuese Evropiane. Nga Ministria për Lidhje dhe Transport thonë se me ndërtimin e rrjetit të ri të kanalizimit do të sigurohen kushte ekologjike për jetë më të mirë në Komunën e Bërvenicës.
Rrjeti i kanalizimit ishte një nga kërkesat kryesore të banorëve të këtij rajoni për Qeverinë qendrore./Telegrafi/