Kombëtarja e Shqipërisë ka fituar me rezultat 3-2 ndaj Bjellorusisë në ndeshjen e fundit të grupeve për edicionin e dytë të Ligës së Kombeve.
Kuqezinjtë kanë triumfuar në shtëpi ndaj Bjellorusisë në takimin e vlefshëm për Grupin 4 të Ligës C në Ligën e Kombeve, fitore që vlejti më shumë se tri pikë.
Kjo për faktin se me këtë fitore, Shqipëria del si fituese e Grupit dhe kalon në Ligën B, ndërsa fitojnë edhe materialisht, duke ‘futur në xhep’ 1.1 milion euro.
Gëzimi i kësaj arritje nuk ka qenë i vogël dhe kjo është vënë re nga e gjithë skuadra, nga lojtarët e deri tek trajneri.
Një fotografi të kësaj feste e ka ndarë edhe faqja zyrtare te FSHF-së në rrjetet sociale.
Përveç lojtarëve, aty shihet edhe trajneri Edoardo Reja dhe anëtarë tjerë të stafit. /Telegrafi/