Presidenti i UEFA-s, Aleksandar Ceferin ka konfirmuar se nuk do të ketë VAR në Ligën e Kampionëve sezonin e ardhshëm, pasi sipas tij ende ka shumë konfuzion.
Video Assistant Referees [VAR] është hyrë në fuqi këtë sezon për t'ia lehtësuar punën gjyqtarëve me anë të teknologjisë.
VAR-i është zbatuar kryesisht në Serie A dhe Bundesliga këtë sezon, por mungesa e konsistencës së teknologjisë ka krijuar shumë polemika në lidhje me instalimin e tij në çdo garë.
Teknologjia e VAR-it është përfolur të përdoret edhe në Ligën e Kampionëve, por presidenti Ceferin ka thënë se nuk do të ketë për të paktën edhe një vit.
"Ne nuk do të miratojmë VAR-in në Ligën e Kampionëve sezonin e ardhshëm".
"Unë ende shoh shumë konfuzion nga VAR-i", ka thënë Ceferin në Kongresin e zakonshëm të UEFA-s të hënën.
Megjithatë, Ceferin shtoi se ai nuk e kundërshtoi VAR-in për tu përdorur në Kupën e Botës, me një vendim të caktuar nga Bordi Ndërkombëtar i Shoqatës së Futbollit (IFAB) të shtunën.
Ndryshe, VAR-i nga sezoni i ri pritet të implementohet edhe në kampionatin spanjoll, La Liga dhe atë anglez, Liga Premier. /Telegrafi/