02/03/2021
Këngëtari i njohur shqiptar, Blero, ka publikuar projektin e tij më të ri muzikor.
“Derën e ke hap” mban titullin kënga e tij e re, e cila është e zhanrit baladë.
Muzika është realizuar nga Blero në bashkëpunim me Chipsin, teksa ky i fundit ka shkruar edhe tekstin.
Kënga është publikuar në kanalin YouTube vetëm në versionin audio me tekst, ndërsa nuk është bërë e ditur nëse do t’i realizohet edhe klipi.
Blero është i njohur për baladat e tij, të cilat priten gjithmonë mirë nga publiku.
Ai pritet të realizojë edhe shumë projekte të reja muzikore në vazhdimësinë e vitit 2021. /Telegrafi/
