Ariu sulmon trajnerin e tij në një cirk në Rusi, qindra fëmijët të pranishëm mbetën të tmerruar me atë çfarë panë

Ky është momenti rrëqethës kur ariu që po qëndronte mbi një hoverboard në një cirk, sulmon trajnerin e tij para qindra spektatorëve që ishin kryesisht fëmijë të shoqëruar nga prindërit.

Ngjarja e tmerrshme ka ndodhur në Rusi, kur kafsha e egër iu vërsul Sergei Prichinich, 48-vjeç, të cilin e rrëzon në tokë, transmeton Telegrafi.

Trajneri i ariut mezi arriti të lirohet, derisa ariu i quajtur Donut dhe peshon qindra kilogramë – ia thyen shkopin me të cilin tentonte ta vente nën kontroll.

Megjithatë, ishin punonjësit e tjerë që e goditën me shkopinj ariun për t’i dalë në ndihmë kolegut të tyre.

Por ky incident ka mundur të përfundojë me fatalitet po të mos e ruante trajneri rus gjakftohtësinë.

Trajneri është dërguar në spital për trajtim, kurse nga cirku kanë mohuar një gjë të tillë me qëllim që të mos u prishet imazhi. /Telegrafi/