A e mbani mend tifozin që premtoi se nuk do të priste flokët derisa Man Utd të fitonte pesë ndeshje? Ja si duket tani
Tifozi i Manchester United, Frank Illett, doli në qendër të vëmendjes së opinionit publik britanik në tetor të vitit 2024 kur u zotua publikisht se nuk do të priste flokët derisa Manchester United të fitonte pesë ndeshje.
Illet krijoi gjithashtu një llogari në Instagram ku poston se si duket çdo ditë, dhe për shkak të premtimit të tij unik, aktualisht ai ndiqet nga 222,000 njerëz në atë rrjet social.
Duke qenë se United është larg ditëve të lavdisë, ai ka fituar një numër të madh ndjekësish që janë të kënaqur që ai e mban fjalën, dhe flokët e tij po bëhen gjithnjë e më të mëdhenj çdo ditë.
Illett i preu flokët për herë të fundit më 5 tetor 2024 dhe i është afruar relativisht shumë një gjëje të tillë vetëm një herë.
United fitoi tre ndeshje radhazi nga 23 janari 2025 deri më 30 janar, kur Djajtë e Kuq mposhtën Glasgow Rangers, Fulham dhe FCSB, por kjo seri u ndërpre nga Crystal Palace, e cila festoi në Old Trafford me fitoren 2-0.
United mposhti Aston Villan në xhiron e fundit të sezonit të kaluar, por në raundin e parë të sezonit të ri Arsenali fitoi 1-0 në Old Trafford, kështu që Illett do të duhet të presë gjatë për një prerje flokësh.
Sot ai postoi se si duken flokët e tij të harlisur në ditën e 318-të të sfidës, dhe do të jetë interesante të shohim nëse ai arrin të presë flokët deri në fund të këtij sezoni. /Telegrafi/